Բժիշկ Ռուբեն Հովհաննեսի Հովհաննիսյան բ․գ․թ․

Կենսագրություն և մասնագիտական ուղի

Ռուբեն Հովհաննիսյանը ծնվել է Երևանում, բժշկի և արևելագետի ընտանիքում։ Ավարտել է Երևանի Պետական բժշկական համալսարանը 1994 թ., և նույն տարում ընդունվել է «ուրոլոգիա» մասնագիտությամբ ռեզիդենտուրա (կլինիկական օրդինատուրա)՝ Առողջապահության ազգային ինստիտուտի բազայում, Միքայելյանի անվ. Վիրաբուժության ինստիտուտի ուրոլոգիական կլինիկայում: Մասնագիտացումն ավարտել է 1997 թ. հոկտեմբերին, որից հետո 1998 թ. ընդունվել է 8-րդ քաղաքային հիվանդանոց՝ որպես ուրոլոգիական ծառայության ղեկավար:

Երեք տարի անց, «Արաբկիր» ԲԿ-ի ղեկավարության հրավերով տեղափոխվել է այնտեղ աշխատանքի, ուր հիմնել և 10 տարի ղեկավարել է մեծահասակների ուրոլոգիական ծառայությունը: Մինչև 2016 թ.-ի հունվարին «Սլավմեդ» ԲԿ-ում լապարոսկոպիկ, օնկոլոգիական և կանանց ուրոլոգիայի կլինիկայի ղեկավար դառնալը, բժիշկ Հովհաննիսյանն աշխատել է նաև «Շենգավիթ» ԲԿ-ում, ուր հիմնել էր Լապարոսկոպիկ ուրոլոգիայի կենտրոն:

Այսօր Ռուբեն Հովհաննիսյանն աշխատում է «Նաիրի» ԲԿ-ում որպես Լազերային, լապարոսկոպիկ և օնկոլոգիական ծառայության ղեկավար: Նա մեր հանրապետության ճանաչված ուրոլոգներից մեկն է. նրա ղեկավարած ուրոլոգիական թիմը շարունակաբար զարգանում է, ավելանում են կատարվող վիրահատությունների տեսակները և ծավալները, իրականացվում են ունիկալ ուրոլոգիական միջամտություններ: Նրա ստեղծած համախոհների թիմն ապահովում է ուրոլոգիական ծառայությունների ամենաբարձր որակ, ինչի շնորհիվ հիվանդներն ամբողջ աշխարհից գալիս են այստեղ՝ իրենց ուրոլոգիական խնդիրները լուծելու համար:

Գիտական գործունեություն և նորարարություններ

Աշխատանքային գործունեությունը սկսելուց հետո անցած տարիների ընթացքում նա պաշտպանել է թեկնածուական թեզ շագանակագեղձի քաղցկեղի վաղ հայտնաբերման վերաբերյալ, բազմիցս աշխատել և մասնագիտացել է ԱՄՆ-ի և Եվրոպայի լավագույն կլինիկաներում (օրինակ՝ Ջոնս Հոփկինս հիվանդանոցը Բալթիմորում, ԱՄՆ):

Նա դարձել է Հայաստանում ամենաբարդ օնկոլոգիական ուրոլոգիական վիրահատության՝ արմատական պրոստատէկտոմիայի ներդնողներից մեկը. այս վիրահատությունը կատարվում է շագանակագեղձի քաղցկեղի լիարժեք բուժման նպատակով: 2006 թ.-ից սկսյալ բժիշկ Հովհաննիսյանի թիմը հանդիսանում է Հայաստանում լապարոսկոպիկ ուրոլոգիայի ներդնողներից մեկը. այս մեթոդը դարձել է թիմի առօրյա աշխատանքի մի մասը և երիկամների վիրահատությունների կատարման գերակայող ձևը:

Բժիշկ Հովհաննիսյանը հանդիսանում է Հայկական ուրոլոգիական ասոցիացիայի գիտական քարտուղարը և միջազգային հարաբերությունների գրասենյակի նախագահը՝ ասոցիացիայի հիմնադրման օրվանից (1999 թ.):

Մասնագիտական էքսպերտիզայի ոլորտներ

Ստորև բերված են Ռուբեն Հովհաննիսյանի մասնագիտական փորձառության այն ոլորտները, ուր նրա փորձը հատկապես ծավալուն է, և նա համարվում է առաջատար էքսպերտ.

• Շագանակագեղձի քաղցկեղ
• Լապարոսկոպիկ վիրահատություններ
• Օնկոուրոլոգիա
• Էնդոսկոպիկ վիրահատություններ
• Անդրոլոգիա

Կապ և Խորհրդատվություն

Եթե ցանկանում եք խորհրդակցել բժիշկ Ռուբեն Հովհաննիսյանի հետ Ձեզ անհանգստացնող ուրոլոգիական խնդիրների վերաբերյալ, կարող եք կապ հաստատել հետևյալ եղանակներով՝

• Հեռախոսահամարներ (նախնական գրանցման համար)՝ 091 135 392, 010 53 75 00, 8900
• Էլեկտրոնային փոստ՝
• Առցանց գրանցում՝ Կարող եք լրացնել կայքի այցելության հարցման կամ օնլայն խորհրդատվության ձևը: